ଶିଵ ପଂଚାକ୍ଷରି ସ୍ତୋତ୍ରମ୍ଶି
ଓଂ ନମଃ ଶିଵାୟ ଶିଵାୟ ନମଃ ଓଂ
ଓଂ ନମଃ ଶିଵାୟ ଶିଵାୟ ନମଃ ଓଂ
ନାଗେଂଦ୍ରହାରାୟ ତ୍ରିଲୋଚନାୟ
ଭସ୍ମାଂଗରାଗାୟ ମହେଶ୍ଵରାୟ ।
ନିତ୍ୟାୟ ଶୁଦ୍ଧାୟ ଦିଗଂବରାୟ
ତସ୍ମୈ "ନ" କାରାୟ ନମଃ ଶିଵାୟ ॥ 1 ॥
ମଂଦାକିନୀ ସଲିଲ ଚଂଦନ ଚର୍ଚିତାୟ
ନଂଦୀଶ୍ଵର ପ୍ରମଥନାଥ ମହେଶ୍ଵରାୟ ।
ମଂଦାର ମୁଖ୍ୟ ବହୁପୁଷ୍ପ ସୁପୂଜିତାୟ
ତସ୍ମୈ "ମ" କାରାୟ ନମଃ ଶିଵାୟ ॥ 2 ॥
ଶିଵାୟ ଗୌରୀ ଵଦନାବ୍ଜ ବୃଂଦ
ସୂର୍ୟାୟ ଦକ୍ଷାଧ୍ଵର ନାଶକାୟ ।
ଶ୍ରୀ ନୀଲକଂଠାୟ ଵୃଷଭଧ୍ଵଜାୟ
ତସ୍ମୈ "ଶି" କାରାୟ ନମଃ ଶିଵାୟ ॥ 3 ॥
ଵଶିଷ୍ଠ କୁଂଭୋଦ୍ଭଵ ଗୌତମାର୍ୟ
ମୁନୀଂଦ୍ର ଦେଵାର୍ଚିତ ଶେଖରାୟ ।
ଚଂଦ୍ରାର୍କ ଵୈଶ୍ଵାନର ଲୋଚନାୟ
ତସ୍ମୈ "ଵ" କାରାୟ ନମଃ ଶିଵାୟ ॥ 4 ॥
ୟଜ୍ଞ ସ୍ଵରୂପାୟ ଜଟାଧରାୟ
ପିନାକ ହସ୍ତାୟ ସନାତନାୟ ।
ଦିଵ୍ୟାୟ ଦେଵାୟ ଦିଗଂବରାୟ
ତସ୍ମୈ "ୟ" କାରାୟ ନମଃ ଶିଵାୟ ॥ 5 ॥
ପଂଚାକ୍ଷରମିଦଂ ପୁଣ୍ୟଂ ୟଃ ପଠେଚ୍ଛିଵ ସନ୍ନିଧୌ ।
ଶିଵଲୋକମଵାପ୍ନୋତି ଶିଵେନ ସହ ମୋଦତେ ॥
1.
3.
5.
6.
No comments:
Post a Comment