ଭୁଲ ହୋଇଗଲା ତୋତେ ଭଲ ପାଇ
ବାସନ୍ତୀ ଲତା ଜେନା
ଭୁଲ ହୋଇଗଲା ତୋତେ ଭଲ ପାଇ
ଅକୁହା ବେଦନା ଏତେ
କପଟତା ପୂର୍ଣ୍ଣ ମନ ତୋର ଥିଲା
ଜାଣିବି କେମିତି ସତେ l୧l
ସ୍ୱଚ୍ଛ ମନରେ ମୁଁ ଭଲ ପାଇଥିଲି
ମନ ପ୍ରାଣ ତୋତେ ଦେଇ
ଜୀବନ ସାଥୀର ସ୍ବପ୍ନ ଦେଖୁଥିଲି
ଆଗାମୀ ଜୀବନ ପାଇଁ l୨l
ଦଗା ଦେଇ ଗଲୁ ପରକରି ଦେଲୁ
ଛଳନାର ରୂପ ଶିଖା
କାହା ହାତ ଧରି ପରକରି ଦେଲୁ
ନ ପାଉଛି ତୋତେ ଦେଖା l୩l
ସମୟ କାଟିବା ତୋର କାମ ଥିଲା
ମୁଁ ଯେ ଭାବି ଥିଲି ସତ
ପ୍ରେମିକା ସାଜି ତୁ କପଟତା କଲୁ
ଛାଡି ଦେଲୁ ମୋର ହାତ l୪l
ମନ ଉଦ୍ୟାନ ମୋ ଶୁଷ୍କ ପଡି ଅଛି
ହୁଦୁ ହୁଦୁ ଜଳେ ନିଆଁ
କହି ପାରୁ ନାହିଁ ରହି ପାରୁ ନାହିଁ
ତୋ ମଙ୍ଗଳ ଚାହେଁ କିଆଁ l୫l
ବିରହ ଯୁଇରେ ଜଳୁଛି ଗୋ ପ୍ରିୟା
କରେ ତୋ ଶୁଭ କାମନା
ଯାହା ସାଥେ ଥାଅl ଖୁସିରେ ରହିଥା
ଏହି ମୋ ମନ ଭାବନା l୬l
ଗାନ୍ଧୀନଗର, ପୋଷ୍ଟ / ଜିଲ୍ଲା : ନବରଙ୍ଗପୁର
No comments:
Post a Comment