ଶ୍ରୀକ୍ଷେତ୍ର ଦେବତା
ଦାତା ପରିଦାତା ଶ୍ରୀକ୍ଷେତ୍ର ଦେବତା
କେ କେତେ ନେଉଛି ମାଗି
କାହାକୁ ଦେଇଛୁ କା' ମନ ମୋହିଛୁ
ବସିଛି ମୁଁ ବାଟ ଜଗି l
ନୁହେଁ ମୁଁ ବନ୍ଧୁଆ ନୁହେଁ ମୁଁ ଦାସିଆ
ହତାସିଆ ବଇରାଗୀ
ଥାଳ ଧରି ଭିକ ମାଗୁଛି ପ୍ରଭୁ ହେ
ବଡଦାଣ୍ଡେ ହୋଇ ଯୋଗୀ l
ଥାଳ ଦେଲେ ଭରି ଦିନ ଯିବ ସରି
ହେବି ସ୍ୱର୍ଗଦ୍ୱାର ଭୋଗୀ,
ସଂସାର ସୁଷମ ହେଲାଣି
ବିଷମ ଦମ୍ଭ ତ ଗଲାଣି ଭାଙ୍ଗି l
ସବୁ ଯିବେ ଛାଡି ନ ଦେବେ କଉଡି
ନ ଯିବ ଜୀବନ ସଙ୍ଗୀ
ଥିଲେ ତୋ ଭକତି ପାଇବି ମୁକତି
ଶ୍ରୀରଙ୍ଗାଚରଣ ଲାଗି ।
Copyright: ମନୋରମା ପ୍ରଧାନ, ସା/ ପୋ: ହରିପୁର, ଭାୟା:–ପିପିଲି ଜିଲ୍ଲା: – ପୁରୀ, ପିନ୍ – ୭୫୨୧୦୪
ସୌଜନ୍ୟ: ଉତ୍କଳ ପ୍ରସଙ୍ଗ, ରଥଯାତ୍ରା ବିଶେଷାଙ୍କ, 2024
No comments:
Post a Comment