ବର୍ଷା ଓ ପ୍ରିୟା....!!
**************
🌹ଲୋପାମୁଦ୍ରା ଜେନା
ବରଷା ଝରିଲେ ଝିପଝିପି ହୋଇ
ମନରେ ଲାଗଇ ନିଆଁ ,
କଳାମେଘୀ ତୁମ କୃଷ୍ଣ କବରୀରେ
ଶ୍ରାବଣର ଋତୁ ଛୁଆଁ !!
ବରଷା ଝରିଲେ କଦମ୍ବ ପତରୁ
ପାଉଁଜି ତୁମର ବାଜେ ,
ଯମୁନା ବହୁ କି ନ ବହୁ ଉଜାଣି
ତୁମ ଭାବେ ମୁହିଁ ହଜେ !!
ବରଷା ଝରିଲେ ଆଖି ତୁମ ଲାଗେ
ଛଳ ଛଳ ନୀଳ କଇଁ ,
କବିତା ଧାଡିଏ ଆପେ ଝରିଯାଏ
ପ୍ରିୟା ଗୋ' ତୁମକୁ ଛୁଇଁ !!
ବରଷା ଝରିଲେ ତୁମେ ଝରୁଥାଅ
ହୃଦୟର ବେଳାପ'ରେ ,
ଏ ବରଷା ସହ କି ସଂପର୍କ ପ୍ରିୟା
କହିଦିଅ ଖୋଲି ଥରେ !!
No comments:
Post a Comment