ଓଡ଼ିଆ କବିତା "ମୌସୁମୀ" / TRANSLATED ENGLISH POEM "TO THE MANSOON"

 ମୌସୁମୀ 
           ନୀଳାଦ୍ରି ବିହାରୀ ମହାପାତ୍ର 
               
 ମୌସୁମୀ ତୁମ ରୂପ ଲାବଣ୍ୟର
                         ଜମା ପଟାନ୍ତର ନାହିଁ ,
 ସୁନ୍ଦରୀ ପଣରେ ତୁମପରି ଆଉ
                       ଧରାବକ୍ଷେ ଅଛି କେହି ..?

O Monsoon! 
  ସବୁଜ ପାଟରେ ମଣ୍ଡିତା ଧରଣୀ ,
                           ରୂପ ବିଭବରେ ପୂର୍ଣ୍ଣା 
  ଆଷାଢ଼ର ତୁମେ ଅପୂର୍ବା ନାୟିକା
                            ସାଜିଛ ବିଚିତ୍ରବର୍ଣ୍ଣା ।
  ଉନ୍ମାଦନା ଭରେ ରସିକ ହୃଦୟେ
                          ଶ୍ରାବଣ ରଜନୀ ତନ୍ଦ୍ରା ,
  ଅଭିସାରିକା ଗୋ..! ସହସ୍ର ଯୌବନା
                           ନର୍ତ୍ତକୀର ମଧୁଛନ୍ଦା ।
  ତୁମ ଯାଦୁକରୀ ନୃତ୍ୟ ଆଗମନେ,
                             ଉଲ୍ଲସିତ ଜନମନ
  ଗୁଞ୍ଜରିତ ପ୍ରାଣେ ନବ ଶିହରଣ  
                         ସଂସାରେ ସଙ୍ଗୀତ ତାନ ।
  ବିଭୋରିତ ପ୍ରାଣ ଗୁଣୁଗୁଣୁ ଗାଏ
                            ତୁମ ଜୟକାର ଗାନ ,
  ନାୟକ ନାୟିକା ତଲ୍ଲୀନେ ଝୁମନ୍ତି
                             ଲଭିଣ ବସନ୍ତ ସ୍ନାନ ।
  ଯେତେଦିନ ଥିବେ ରବି , ସୋମ ନଭେ
                             ବାସୁଥିବ ତୁମ ବାସ୍ନା ,
  ଝରୁଥିବ ମଧୁ ଗଗନ କୋଣରୁ
                         ହସୁଥିବ ରାତ୍ରି ଜ୍ୟୋତ୍ସ୍ନା ।
  ତୁମରି ସୁବାସେ ବାସୁଥାଉ ଆମେ 
                           ସକଳ ଯାତନା ହରେ ,
  କୋଟିଏ ବନ୍ଦନା ଘେନ ଗୋ ..! ମୌସୁମୀ 
                         ଝୁରୁଥିବୁ ଜନେ ତୋରେ ।
          
       
        ବୁଢେଈଶୁଣି ଉ. ପ୍ରା. ବିଦ୍ୟାଳୟ ,
                 ପୋଲସରା ,ଗଞ୍ଜାମ ,
                  9861363872 .
   
        ***********************