ଏମିତି ଋପରେ କିଆଁ ଆସୁଛୁ
:::::::::::::::::::::::::::::::::::::::::::::::::::::
ରେ ସମୟ.........ରେ ସମୟ....
ଏମିତି ଋପରେ କିଆଁ ଆସୁଛୁ...
କେବେ କାଳ ବଇଶାଖୀ
ବଇରୀ ବତାସୀ ଝଡ
ଅଦିନ ଅଶୁଭ ଲୁହ
ଉଦାସୀ କପୋତୀ ନୀଡ଼
କେବେ ଫଗୁଣ ଅବିର ବାସୁଛୁ
ଏମିତି ଋପରେ କିଆଁ ଆସୁଛୁ.....
ରେ ସମୟ......ରେ ସମୟ (୧)
କେବେ ଭରା ମଉସୁମୀ
ଶୀତଳ ଶ୍ରାବଣୀ ଧରା
ଗ୍ରୀଷମ ଉତ୍ତାପ ଝାଞ୍ଜି
ବିଷମ ଡହକ ଖରା
ଯାତନା ଜ୍ୟାମିତି ଅଙ୍କ କଷୁଛୁ
ଏମିତି ଋପରେ କିଆଁ ଆସୁଛୁ....
ରେ ସମୟ.......ରେ ସମୟ (୨)
କେବେ ଯଉଘର ନିଆଁ
ବିରହ ବିଚ୍ଛେଦ ତାତି
କେବେ ମିଳନ ଆସର
ପ୍ରଣୟ ବାସର ରାତି
ଛଳନା ନିଆଁରେ କେବେ ନାଶୁଛୁ
ଏମିତି ରୂପରେ କିଆଁ ଆସୁଛୁ....
ରେ ସମୟ......ରେ ସମୟ (୩)
କେବେ ସୁନା ତାରକଷି
ଚୁନାଚୁନା ଝରାଫୁଲ
କେବେ ମରଣ ବିଳାପ
ମଶାଣି ର ନିଆଁଝୁଲ
ମାୟା ମରିଚିକା ହୋଇ ଗ୍ରାସୁଛୁ
ଏମିତି ଋପରେ କିଆଁ ଆସୁଛୁ.....
ରେ ସମୟ......ରେ ସମୟ (୪)
ପ୍ରସନ୍ନ ଭାବୁଛି ତୋତେ
ବୁଝିବା ସହଜ ନୁହଁ
ପରଖି ହେଉନି ଭାବ
ନିରେଖି ଦେଖି ତୋ ମୁହଁ
ଏତେ କଷଟିରେ କିଆଁ ଘଷୁଛୁ
ଏମିତି ଋପରେ କିଆଁ ଆସୁଛୁ.....
ରେ ସମୟ......ରେ ସମୟ (୫)
:::::::::::::::::::::::::::::::::::::::::::::::::::::
◼️
ପ୍ରସନ୍ନ ମଣ୍ଡଳ
କୋଟପଲ୍ଲା, ସିମୋର, ଖୋର୍ଦ୍ଧା
No comments:
Post a Comment