*ସୁନା ସିନ୍ଦୁକରେ ସାପ*
""""""""""""""""""""""""""""""""""""""""""""""""
( ଗୋଟିଏ ସୁନ୍ଦର ମଣିଷ ଭିତରେ ବିକୃତ ଘୃଣ୍ୟ ମାନସିକତା, ବିଷାକ୍ତ ସର୍ପ ପରି ଭୟଙ୍କର )
ସୁନା ସିନ୍ଧୁକ ରେ
ଅହିରାଜ ନାଗ
ଅଜଗର ଯଦି ରହିବେ
ରଜାଘର ସୁନା
ସିନ୍ଧୁକ ହେଲେ ବି
ପରଜା କି ଭଲ କହିବେ
ଉପରେ ମାରିଲେ
ହାତୀଦାନ୍ତ ପଟି
ସୁନାଫୁଲ ରୂପା ପତର
ରେଶମ କପଡା
ଖୋଳପା ବାନ୍ଧିକି
ଛିଞ୍ଚିଲେବି ଦାମି ଅତର
ଲୋକହସା ସାର ହୋଇବ
ସେଉ ନାସପାତି
ତୋଳିବାକୁ ଯିଏ
ତୁଛା ବାଇଡଙ୍କ ରୋଇବ ।
କାଗଜ ବିଲରେ
ଚିଲ କି ଶାଗୁଣା
ବିଲୁଆଆ ଗଧିଆ ରହନ୍ତି
ଗିଲକଣ୍ଟା ଦୁବ
ଅଙ୍କରାନ୍ତି ବେଣା
ପୋଇନଖା ଭଲ କହନ୍ତି
ବିଲ ହେଲେ ହେଉ ଅଜରା
ଖୋଷା ଦେଖେଇକି
ବୁଲନ୍ତି ବିଲୁଆ
ବାନ୍ଧିଦେଲେ ଫୁଲ ଗଜରା ।
ବେକ ଠାରୁ ମୁଣ୍ଡ
ଠେକିରେ ବିଲେଇ
ପାଦରେ ପିନ୍ଧନ୍ତି କଠଉ
ପିଠି କରି ଟିକେ
ଠିଆ ହୋଇଗଲେ
ପିଠା ହୋଇଯାଏ ପିଠଉ
ଆଣ୍ଠୁଏ ବହଳ
ମଳି ବସିଲେ ବି
ବାସୁଥିଲେ ଭାବ ବଳିବ
ବାସି କାଞ୍ଜିପାଣି
ବିଷ ହୋଇଲେ ବି
ଝାଞ୍ଜିବଜା କହେ ଚଳିବ
ନମିଶୁ ପାଞ୍ଜିକି ଜାତକ
ଧରମ ପଲାରେ
ଭଙ୍ଗା କୋଣାରକ
(ଏଠି)ଧରମା କିଣନ୍ତି ପାତକ ।
ଧାର୍ ମିଳେ ଏଠି
ମାନ ସନମାନ
କିସ୍ତିରେ ମିଳୁଛି କୀରତ୍ତି
ଦାଣ୍ଡରେ ଘାଟରେ
ବିକାହୁଏ ଯଶ
ଗୁଣ ଗଉରବ ପୀରତି
ଗୁଗଲ୍ ପେଏରେ
ବଣ୍ଟା ହୁଏ ପ୍ରେମ
ମିଳେ ଫୁଲମାଳ କାଗଜ
ମାନ ସନମାନ
ମୋହରେ ମଣିଷ
ବନ୍ଧା ରଖିଦିଏ ମଗଜ
ରନ୍ଧା ଅଧାରନ୍ଧା ଖାରିଆ
ଗେଫିବାକୁ ଏଠି
ସାଉକାର ପାଇଁ
ମିଳନ୍ତି ଭଗଆ ସାରିଆ ।
""""""""""""""""""""""""""""""""""""""''''"''''"""""'
ପ୍ରସନ୍ନ ମଣ୍ଡଳ
କୋଟପଲ୍ଲା, ସିମୋର, ଖୋର୍ଦ୍ଧା
No comments:
Post a Comment