ଆକାଙ୍କ୍ଷୀତା ଆମ୍ମ୍ରପାଲୀ
ଜୀବନ ପୁସ୍ତକର
ସବୁଯାକ ପୃଷ୍ଠା
ଯେତେବେଳେ
ଶୋଇଯିବେ,
ସେତେବେଳେ
ତୁମେ ଆସିବ
କିଛି ଡାଫୋଡିଲ୍ ଧରି,
ତାହା ନିଶ୍ଚୟ ହେବ
ମୋ ପାଇଁ
ମହାର୍ଘ ସୁତୀର୍ଥ ସାନିଧ୍ୟ
ପ୍ରଶାନ୍ତି ଆମ୍ରକୁଞ୍ଜ ର
ନିର୍ଲିପ୍ତ କାମମୁକ୍ତ
ଏକ ପରିବର୍ତ୍ତିତ
ଆମ୍ରପାଲୀ ପରି।
ଜୀବନ ପୁସ୍ତକର
ସବୁଯାକ ପୃଷ୍ଠା
ଯେତେବେଳେ ଶୋଇଯିବେ
ନିଃଶବ୍ଦ ନିସ୍ପନ୍ଦ ନିଷ୍ପ୍ରାଣ
ନିର୍ଲିପ୍ତ ସ୍ଵାକ୍ଷର ବହନ କରି,
ପ୍ରତିଭାତ ହେଉଥିବ
ଅୟୁତ ଆଶାର ତୁମେ
ପ୍ରତିସରଣ ର ପ୍ରତିବିମ୍ବିତ
ଏକ ରୂପାନ୍ତରିତ
ଆକାଙ୍କ୍ଷୀତା
ଆମ୍ରପାଲୀ ପରି🌻🌻🌻🌻🌻🌻🌻
No comments:
Post a Comment