ଡିସେମ୍ବର
ଇନ୍ଦ୍ରଧନୁ ଠୁଁ ରଙ୍ଗ କିଣିଆଣି ପଠାଏ ସେ
ପ୍ରେମିକାର ଠିକଣାରେ
ଶୀତ ସକାଳ ନାଁ ରେ ଲେଖିପାରେ
ସମ୍ପୂର୍ଣ୍ଣ ପୂର୍ବଦିଗ l
ପୁଣି ଫଗୁଣକୁ ଦାଣ୍ଡ ମଝିଟାରେ ଅଟକାଇ
ଜହ୍ନର ପାପୁଲିପାଇଁ ନେଇପାରେ ଚୁମା
ଆକାଶ ପବନ ରାସ୍ତାଘାଟ ସାଇପଡିଶା
ଏମିତିକି ଆପଣମାନେ ମଧ୍ୟ
ରଖିପାରନ୍ତି ପ୍ରଶ୍ନଟେ
କିଏ ସେ ??
ଡିସେମ୍ବର !
ଆହା ! ମୋର ପ୍ରିୟତମ
କ୍ଷତର ଚିହ୍ନ .......
ଏତେସବୁ ପରେ
ଯେଉଁ ଯେଉଁ ମୃତ୍ୟୁ ମାନଙ୍କରେ
ଉଦିଷ୍ଟ ଥିଲା ତୁମରି ହିଁ ନାଁ
ବରଂ ଭଲ ଆଲୁଅରେ
ଦିଶିଯାଉଥିବେ ସେମାନେ କବର ପରି
ନଚେତ୍ ଅଂଧାର ତ ଆପଣାର କରିନେବା ବାହାନାରେ
ମାଗିପାରେ ତୁମ ଦୁର୍ବଳ ମୁହୂର୍ତ୍ତ ମାନଙ୍କର
ଦୁଇପାଦ ମାଟି !!
No comments:
Post a Comment